Визиттин максаты - курч респиратордук вирустук инфекциялар жана грипп менен ооруган бейтаптар үчүн медициналык жардамдын уюштурулушун баалоо, ошондой эле сезондук ооруунун өсүшү шартында палаталык фонддун жүктөлүшүн талдоо болуп саналат.
Текшерүү учурунда оорукананын директору Шаят Абдурахманов стационар 270 орунга ылайыкташканын, анын ичинен 180 орун балдар үчүн, калган орундар чоңдор үчүн экенин билдирди. Бейтаптардын санынын көбөйүшү шартында медициналык персонал зарыл болгон медициналык жардамды толук камсыз кылууда.
Ошондой эле, акыркы жылдарда, анын ичинде административдик-территориялык реформа натыйжасында, Ош шаарынын аймагы жана калкынын саны көбөйгөндүгүн белгилөө маанилүү, бул өз кезегинде медициналык мекемелерге кошумча жүк жүктөп, стационарлардын жүктөлүшүнүн жогорулашына алып келет.
Сапардын жыйынтыгы боюнча Айбек Маткеримов бир катар тапшырмаларды берди, анын ичинде чоңдор үчүн альтернатива бөлүмдөрүндө кабыл алууну уюштуруу, ошондой эле сезондук инфекциялар учурунда эң уязвимдуу топ болгон балдарга жардам көрсөтүү үчүн инфекциялык стационарды максималдуу пайдалануу.
Мындан тышкары, санитардык-эпидемиологиялык нормаларды сактоону күчөтүү, бейтаптар үчүн так маршрутту иштеп чыгуу, медициналык персоналдын үзгүлтүксүз иштешин камсыз кылуу жана көрсөтүлгөн кызматтардын сапатын контролдоо тапшырмасы берилди.
