Кыргызстанда 5 миң батир медициналык кызматкерлерге кезексиз берилет. Бул тууралуу саламаттык сактоо министри Каныбек Досмамбетов, өлкөнүн балдар медициналык мекемелерине болгон сапары учурунда билдирген.
«Саламаттык сактоо кызматкерлерине 5 миң ипотекалык батир берүү чечими кабыл алынды. Бул чаралар медициналык кызматкерлердин социалдык коргоосун жакшыртууга, системада кадрларды сактоого жана врачтык кесиптин жагымдуулугун жогорулатууга багытталган», - деди ал.Мындан тышкары, министр апрель 2026-жылдан тартып, президент Садыр Жапаровдун колдоосу менен врачтардын айлыгы 100 пайызга жогорулаарын белгиледи.
