Бишкекте 119 жалпы билим берүү мектеби иштейт, анда 10 197 мугалим эмгектенет.
Бул жылы жай мезгилинде чиновниктер кадр жетишсиздиги маселесин көтөрүшүп, 300 мугалим жетишпей жатканын билдиришкен. Алар сентябрь айына чейин бош орундарды чечүүгө убада беришкен.
Бирок, Билим берүү министрлиги тарабынан автоматташтырылган маалыматтык система «Мугалим» аркылуу берилген маалыматтар бош орундардын санынын жогору экенин көрсөтүүдө. Республика боюнча жалпы 761 бош орун бар, анын 143ү Бишкекте жайгашкан.
Мугалимдер үчүн эң көп бош орун Чүй облусунда катталган — 276 орун.
Башка региондордогу абал төмөнкүдөй: Баткен облусунда — 127, Ысык-Көл облусунда — 68, Жалал-Абад облусунда — 65, Ош облусунда — 55, Талас облусунда — 21, Нарын облусунда — 4, ал эми Ош шаарында — 2.
