Ведомствонун маалыматына ылайык, өзгөртүүлөр күчүнө киргенге чейин активдүү маалыматтык- түшүндүрүү иштери жүргүзүлгөн. Ага Тышкы иштер министрлиги, Чек ара кызматы ГКНБ жана Цифрдык өнүктүрүү министрлиги катышкан. Бул маалымат расмий сайттар, социалдык тармактар жана ар кандай массалык маалымат каражаттары аркылуу таралган.
Жаңы эрежелер тууралуу расмий билдирүүлөр 2025-жылдын жазында жарыяланган жана бул маалымат азыркыга чейин жаңыланып жатат.
2025-жылдын 4-декабрында Чек ара кызматы ГКНБнын «Ак-Жол-автодорожный» контролдук өткөрмө пунктунда чыгып брифинг өткөрдү. Иш-чара Тышкы иштер министрлиги, Ички иштер министрлиги жана Калкты каттоо департаментинин өкүлдөрүнүн катышуусунда өттү. Пресс-релиздер Казакстандын массалык маалымат каражаттарына да жөнөтүлдү.
Түшүндүрүү иштери үзгүлтүксүз жүргүзүлүп жатат. Мисалы, 2026-жылдын 13-январында Казакстан жарандарынын учурдагы кирүү эрежелери тууралуу маалымат «Биринчи радио» эфиринде берилди.
Кыргыз-казак чек арасындагы бардык контролдук өткөрмө пункттарында маалыматтык материалдар бар. Паспоттук контролдоо залдарында видео материалдар көрсөтүлүп, Чек ара кызматынын кызматкерлери Казакстан жарандарына алардын кирүү мөөнөттөрү жана шарттары тууралуу маалымат беришет.
Ошондой эле ведомстводо чет өлкөгө чыгып жаткан адамдар миграциялык нормаларды сактоодо жеке жоопкерчилик тартарын белгилешти. Чек ара кызматы кабыл алынган чаралар өз ара жана бир тараптуу эместигин, 1-сентябрдан тартып Кыргызстандын жарандарына карата Казакстан Республикасында киргизилген чектөөлөрдү эске алуу менен, өз аралык принципти сактоого жана эл аралык практикага ылайык экенин эскертти.
