Бишкектеги Ала-Тоо аянтында башкы жаңы жылдык шыршаны демонтаждоо иштери башталды. Шаардык кызматкерлер кооздуктарды жана оюнчуктарды алып салууга киришти. Бул тууралуу борбордун мэриясынан билдиришти, «Кабар» агенттиги маалымдайт.
Эскертүү керек, өлкөнүн башкы шыршасы 15-декабрда тантана менен күйгүзүлгөн. Анын дизайны шаар символикасы, Манас эстелиги жана жаңыланган Ала-Тоо аянты менен бирдиктүү стилде түзүлгөн. Бул жылы анын үстүнө көк жана күмүш түстөгү 7 миңден ашык оюнчук жайгаштырылды.
Шыршадан тышкары, аянтта муз тебүүчү аянтча, сейилдөө зонасы жана фуд-корт иштеп, майрамдык иш-чараларды дагы да ар түрдүү кылды. ```
