Баткен облусунда эски май өчүргүчтөрдү сегиз подстанцияда алмаштыруу иштери аяктады. Бул тууралуу Кыргыз Республикасынын Энергетика министрлиги маалымдады.
Атап айтканда, 35/6 кВ «Чаувай» подстанциясында В-6 кВ «РЭШ-22», «Школа», «Завод» жана «Участок» линияларындагы эски өчүргүчтөр демонтаждалды. Ошондой эле 35/6 кВ «Насосная – Кулунду» подстанциясында В-6 кВ «Т-1», «АГ-1» жана «АГ-22» линияларындагы өчүргүчтөр алмаштырылды. Бардык өчүргүчтөр 10 кВ напряжениеси бар заманбап вакуумдук өчүргүчтөргө алмаштырылды.
35/10 кВ «Кара-Булак» подстанциясында В-10 кВ «Белес» жана «Боз-Тумшук» линияларындагы өчүргүчтөр жаңыртылды, ал эми 35/10/6 кВ «Достук» подстанциясында В-10 кВ «Нефтопром» жана «Достук» линияларындагы өчүргүчтөр алмаштырылды.
Мындан тышкары, 35/10 кВ «Кара-Булак» (Баткен) жана 35/10 кВ «Марказ» подстанцияларында ОДКЗ-35 кВ Т-1 жабдыктарынын ордуна 35 кВ напряжениеси бар жаңы вакуумдук өчүргүчтөр орнотулду.
Ошондой эле 110/35/10 кВ «Самат» жана 35/10 кВ «Сулюкта» подстанцияларында аккумулятордук батареялар заманбап моделдерге алмаштырылды. Келечектеги пландарда 35/10 кВ «Кара-Токой-1» подстанциясында 10 кВ напряжениеси бар вакуумдук өчүргүчтөрдү орнотуу турат.
Маалыматта белгиленгендей, жаңы вакуумдук өчүргүчтөр заманбап талаптарга жооп берет, жогорку ишенимдүүлүккө, төмөн эксплуатациялык чыгымдарга ээ жана өрт коопсуздугун жарата албайт.
