Президенттин иш башкаруучусу Каныбек Туманбаев транспорт каражаттарын жана айдоочулук курамды каттоо боюнча мамлекеттик борборду зыярат кылды, ал жерде күбөлүктөрдү алмаштыруу процесси жүрүүдө.
Ал жаңы үлгүдөгү айдоочулук укуктарга өтүүнүн зарылдыгын түшүндүрдү.
"Эски күбөлүктөр санариптештирилген эмес жана айрым коңшу өлкөлөрдө кабыл алынбайт, бул документти чет өлкөдө колдонууда көйгөйлөрдү жаратат. Ошондуктан, Кыргызстандан тышкары укуктарын колдонууну пландап жаткан адамдар үчүн жаңы үлгүлөргө өтүү легализациялоо жана заманбап эл аралык стандарттарга ылайык келүү үчүн маанилүү чара болуп саналат", - деп баса белгиледи Туманбаев.
Мындан тышкары, эски мөөнөтсүз күбөлүктөр жетишсиз коргоо элементтерин камтыйт. Алардын арасында эски сүрөттөр болушу мүмкүн, бул жеке адамды текшерүүнү кыйындатат жана үчүнчү жактар тарабынан колдонуу коркунучтарын жаратат. Жаңы күбөлүктөр жакшыртылган коргоо мүнөздөмөлөрүнө ээ, бул мындай учурларды алдын алууга жардам берет жана жол коопсуздугу кызматкерлеринин ишин жеңилдетет.
Каныбек Туманбаев жарандарды узак күтүүнү болтурбаш үчүн белгиленген тартипке ылайык аракет кылууга чакырды:
- эски күбөлүктөрү санариптештирилбеген жана "Түндүк" системасында көрсөтүлбөгөн жарандар документтерин алмаштыруу үчүн жеке өзү келиш керек;
- "Түндүк" системасында маалыматтары бар жарандар документтерин онлайн режиминде, борборду зыярат кылбай алмаштырууну сунушталат.
Учурда "Тундук" порталы аркылуу айдоочулук күбөлүктөрдү алмаштыруу мүмкүнчүлүгү жок.
