Сыдыгалиевдин пикири боюнча, бул өзгөртүү жаш айдоочулардын катышуусундагы жол кырсыктарынын санын азайтууга оң таасирин тийгизиши мүмкүн. Ал ошондой эле Ички иштер министрлигин жаштар арасындагы авариялык абалды, жаш курак топтору боюнча статистиканы, айрыкча 18ден 21 жашка чейинки адамдар арасында, талдоого алууга чакырды.
Депутат, ата-энелердин макулдугусуз унаа айдаган өспүрүмдөрдүн жол кырсыктарына катышуусу жыш кездешерин белгиледи. Сыдыгалиев, айдоочулук күбөлөлөрдүн кийинчерээк берилүүсү айдоочулардын жоопкерчилик деңгээлин жогорулатууга жардам бериши мүмкүн экенин баса белгиледи.
«Эгер статистика жаштар арасында авариялык деңгээли жогору экенин көрсөтсө, мүмкүн, күбөлөлөрдү 17-18 жаштан эмес, 20-21 жаштан берүү мүмкүнчүлүгүн карап көрүү керек», - деди ал.
Ички иштер министринин орун басары Октябрь Урмамбетов депутаттын сунушу жолдордо коопсуздукту жогорулатуу боюнча кийинки талкууларда каралаарын кошумчалады.
