«Чет өлкөдөн келген каттарды канча убакыт карайсыздар? Биздин жарандардын жүздөгөнү Россиянын түрмөлөрүндө жатат, алардын кээ бирлери согуштук аракеттерге катышуу үчүн тартылууда. Адамдар экстрадициясы тууралуу маалымат алуу үчүн айлап күтүшөт», — деди Кылычбаев.
Башкы прокурордун орун басары Умуткан Конкубаева 2024-жылы чет өлкөдөн Кыргызстанга 128 жаран кайтып келгенин, анын ичинде 118и Россиядан экенин билдирди. 2025-жылы бул сан 221ге жеткен, дагы 124 кыргызстандыкты кайтаруу боюнча чечимдер кабыл алынган, алардын этапталышы күтүлүүдө.
Мындан тышкары, ал учурда Россиянын түрмөлөрүндө 1210 кыргызстандык жазасын өтөп жатканын тактады. Бирок экстрадиция процессинин мамлекеттик процедуралардын кыйынчылыктары себептүү олуттуу убакытты талап кыларын белгиледи. Россиядагы соттун чечимин күтүш керек, бул дагы айларга созулушу мүмкүн, — деп жыйынтыктады Умуткан Конкубаева.
