Экономика министринин орун басары Чоро Сейитов аутсорсинг белгилүү бир кызматтардын функцияларына гана тиешелүү экенин, бардык кызматтардын толук көлөмүнө эмес экенин билдирди.
Депутат, бул кызматтарды көрсөтүүгө даяр юридикалык жана физикалык жактардын тизмеси түзүлгөнбү, деп тактады. Бул боюнча ага, азырынча мындай тизменин жоктугу айтылды.
Самаков жеке компанияларга функцияларды өткөрүүнүн жарандар үчүн кызматтардын баасын жогорулатышы мүмкүн экендиги боюнча өзүнүн кооптонуусун билдирди.
Чоро Сейитов учурда кызматтар өз наркына берилерин жана функцияларды аутсорсингге өткөрүү учурда баанын чын эле жогорулашы мүмкүн экенин тастыктады.
Бул жыйын Кыргыз Республикасынын «Мамлекеттик жана муниципалдык кызматтар жөнүндө» мыйзамына өзгөртүүлөрдү киргизүү тууралуу мыйзам долбоорун биринчи окууда талкуулоо алкагында өттү.
