Экономика жана соода министринин орун басары Чоро Сейитов сунушталган өзгөртүүлөр мамлекеттик жана муниципалдык кызматтарды көрсөтүүнү жакшыртууга багытталганын белгиледи. Негизги аспекттердин бири — ар бир кызмат үчүн административдик регламентти милдеттүү түрдө бекитүүнүн жокко чыгарылышы.
Дебат учурунда депутат Карим Ханджеза бул нормадан улам тынчсыздануусун билдирип, административдик регламенттердин жоктугу жарандар үчүн кызматтардын сапатына кандай таасир этээрин сурады.
Министрдин орун басары регламенттерден баш тартуу мамлекеттик органдар менен жергиликтүү өз алдынча башкаруу органдары арасында ресурстарды натыйжалуу бөлүшүүгө мүмкүндүк берерин, бул кызматтардын сапатына терс таасир этпей турганын ишендирди.
