Чүй облусундагы «Ак-Тилек» чек ара ветеринардык контролдук пунктунда Россиядан колбаса продукциясын мыйзамсыз алып кирүүгө аракет токтотулду. Кыргыз Республикасынын айыл чарба министрлигинин кызматкерлери 11 720 кг продукциянын Евразия экономикалык биримдигинин ветеринардык-санитардык талаптарына жооп бербегенин билдиришти.
Пунктта текшерүү жүргүзгөн инспекторлор мыйзам бузууларды каттап, тиешелүү актыларды түзүштү. Белгиленген тартипке ылайык, бул жүктүн Кыргыз Республикасына алып кирүүсүнө тыюу салынды жана продукция Россия Федерациясына кайра кайтарылды.
