Касымалиев курулуш иштеринин ылдамдыгына, ошондой эле пациенттер жана медициналык персонал үчүн түзүлгөн шарттарга көңүл бурду. Инспекция учурунда ага өлкөдөгү кардиохирургияны өнүктүрүү боюнча пландар да сунушталды.
Учурда Улуттук кардиология жана терапия борборунда поликлиника, операциялык блок, тамак-аш блогун, ошондой эле суу берүү, канализация, электр берүү жана желдетүү системаларын оңдоп-түзөө жана модернизациялоо боюнча иштер жүргүзүлүүдө.
Ушул мекемелерди заманбап медициналык жабдуктар менен камсыз кылуунун, кардиологиялык жардамдын сапатын жогорулатуунун жана пациенттер үчүн ыңгайлуу шарттарды түзүүнүн зарылдыгына басым жасалды.
Жооптуу уюмдарга иштердин аткарылышын көзөмөлдөө, ошондой эле мекемелерди жабдуулоо жана медициналык кызматтарды жакшыртуу боюнча көрсөтмөлөр берилди.
