Курулуш иштери 2025-жылдын майында башталып, ошол эле жылдын декабрында аякталды. Завод толук кубаттуулукка чыкканда, күнүнө 130 тоннага чейин жем чыгарууга мүмкүнчүлүк берет, бул 100дөн 120га чейин туруктуу жумуш орундарын түзүүгө шарт түзөт.
Заводдун жетекчиси Илгиз Сарылдык уулу, бул өндүрүш ички муктаждыктарды гана канааттандырып калбастан, экспорт үчүн мүмкүнчүлүктөрдү да түзөөрүн белгиледи.
Садыр Жапаров заводдо сапат стандарттарын катуу сактоонун маанилүүлүгүн баса белгилеп, продукциянын жогорку сапаты балык чарбасынын туруктуу өнүгүүсүнүн жана жергиликтүү товарлардын атаандаштыкка жөндөмдүүлүгүнүн кепили экенин айтты.
