Ал заводуң иши үчүн таштандыны алдын ала сорттоо талап кылынбай турганын белгиледи: муниципалдык кызматтан алынган калдыктар түздөн-түз казанга жүктөлөт, ал эми чоң буюмдар, мисалы, матрацтар жана газ баллондору өзүнчө тандалып алынат. 100 тонна таштандыдан баалуу фракциялар — пластик, металл жана башка кайра иштетилүүчү материалдар өзүнчө сорттоо заводунда алынат.
«Күйгүзгөндөн кийин болжол менен 200 тонна шлак калат, ал $10 млн. баасындагы өзүнчө заводдо кайра иштетилет. Металлдар алынат, калган шлак курулуш материалдарын өндүрүү үчүн колдонулат», — деп кошумчалады район акими.
Мындан тышкары, Бишкектен күн сайын болжол менен 100 тонна таштанды кабыл алчу сорттоо заводу ишке киргизилди. Бул заводдун курулушу 100 млн сомго бааланган.
Улан Сарылбек уулу ошондой эле ишканада болжол менен 100 жумуш оруну түзүлгөнүн, анын жарымы Кыргызстандын жарандары тарабынан ээленгенин белгиледи. Ишкананын пландарында күнүнө 3 000 тонна таштандыны иштетүү кубаттуулугун жогорулатуу бар.
