Жаңы сунуштарга ылайык, А.Молдокулов атындагы Улуттук инновациялык технологиялар мектебинин интернаты онлайн-мектепке өзүнүн имаратынын болгону бешинчи кабатындагы бөлмөлөрүн гана берет.
Негизги жаңылык катары жаңы билим берүү багыттары кошулат: «Тунгуч» республикалык жана эл аралык олимпиадаларга даярдоо үчүн тереңдетилген онлайн-билим берүүнү, ошондой эле мамлекеттик, расмий жана чет тилдер боюнча тил курстарын сунуштайт. Ошондой эле мугалимдердин жетишсиздигинен улам башка мектептерден окуучуларды жекече предметтерге туташтыруу мүмкүнчүлүгү пландаштырылууда.
Мындан тышкары, документте мектептин иштеши боюнча жаңы эрежелер такталат: директор конкурс жыйынтыктары боюнча дайындалат, окуу процессин уюштуруунун ар кандай моделдери, мисалы, тьютордук жана аралаш модельдер киргизилет, ал эми сабактардын узактыгы эми жашка жана билим берүү ыкмаларына жараша ылайыкташтырылат. Онлайн-мектеп олимпиадаларга жана тил курстарына даярдоо үчүн атайын топторду түзө алат.
Ошондой эле расписание, синхрондук жана асинхрондук сабактар боюнча жоболор кайра каралат, ал эми администрация жана техникалык персоналдын структурасы жаңыланып, 22 бирдикке чейин көбөйөт.
