Жыйындын алкагында илим тармагынын учурдагы абалы, аныкталган көйгөйлөр жана анын өнүгүү келечеги боюнча докладдар сунушталды. Улуттук илимдер академиясынын мыйзамдык базасын жакшыртууга, ошондой эле геология илими боюнча мамлекеттик колдоону жогорулатуу маселелерине өзгөчө көңүл бөлүндү.
Өкмөткө илимий ишмердүүлүктүн натыйжалуулугун жогорулатууга багытталган системалуу чараларды киргизүү сунушталды. Бул мамлекеттик заказ механизмдерин өнүктүрүүнү, финансылоону этап-этабы менен көбөйтүүнү, ресурстарды рационалдуу пайдаланууну, ошондой эле геология илимин модернизациялоону жана илимий мекемелердин кадрдык жана материалдык-техникалык потенциалын бекемдөөнү камтыйт.
