Америка Кошмо Штаттары Венесуэлага каршы аскердик агрессия жасады. Каракаста жетиге жакын жарылуу болду, ошондой эле америкалык аскерлердин десанты тууралуу маалымат пайда болду.
Маалыматка караганда, Венесуэладагы аскердик жана башка объектилерге чабуул жасоо буйругун АКШнын президенти Дональд Трамп берген. Бул окуяга жооп катары Венесуэланын президенти Николас Мадуро өлкөдө өзгөчө абал киргизүү тууралуу жарлыкка кол койду.
Россиянын Тышкы иштер министрлиги, бар болгон маалыматтар боюнча, Венесуэладагы кырдаал боюнча расмий билдирүү даярдап жатат.
Кийин Дональд Трамп Николас Мадуро жана анын жубайы Венесуэладан кармалып, чыгарылып кеткенин билдирди. Трамп ошондой эле, бул тууралуу толук маалыматтар жакын арада өтө турган пресс-конференцияда жарыяланарын кошумчалады.
Учурда Венесуэла бийликтери тарабынан кармоо тууралуу маалымат расмий түрдө тастыкталган жок.
