Бул чечим иммиграция мыйзамдарына ылайык "социалдык жүк" маселесин күчөтүү менен байланыштуу. АҚШтын бийликтери арыз берүүчүлөрдүн мамлекет үчүн потенциалдуу "жүк" болуп калышы мүмкүнбү жана социалдык жардамга муктаждыгын баалай алышат.
Текшерүүлөрдө эске алынуучу критерийлердин арасында ден соолук, жаш, англис тилин билүү деңгээли, финансылык абал жана узак мөөнөттүү медициналык кызматка муктаждык мүмкүнчүлүгү бар.
Мамлекеттик департаменттин өкүлү Томми Пиготт ведомствонун визаларды берүүдөн баш тартуу укуктарын колдонуп, АКШ үчүн жүк боло турган иммигранттарга жана америкалык элдин жардамынан пайдаланууга ниеттенгендерге визаларды бербей турганын белгиледи.
Визаларды берүү токтотула турган өлкөлөрдүн тизмесине Кыргызстан да кирди. Бул, ар кандай программалар аркылуу, анын ичинде үй-бүлө менен кайра биригүү үчүн АКШга иммиграциялоону пландаштырган кыргызстандыктарга таасир этет. Эскерте кетсек, иммиграция визасы АКШга туруктуу жашоого (туруктуу резидент статусун же Green Card алуу менен) көчүүгө мүмкүнчүлүк берет.
