Кыргыз Республикасынын Тышкы иштер министрлиги, Америка Кошмо Штаттарына B-1/B-2 (бизнес жана туризм үчүн) иммиграциялык эмес визаларды алуу үчүн арыз берүүнү пландаштырган жарандарын, АКШ тарабынан жаңы талаптардын киргизилгени тууралуу маалымдайт.
АКШнын Мамлекеттик департаментинин маалыматына ылайык, 2026-жылдын 21-январынан баштап, Кыргызстанды кошо алганда, бир катар өлкөлөрдүн жарандарынан 5,000 доллардан 15,000 долларга чейин финансылык кепилдик коюу талап кылынат. Кепилдиктин так суммасы консулдук кызматкер тарабынан интервью учурунда аныкталат.
Мындан тышкары, талапкерлер АКШнын Ички коопсуздук министрлигинен I-352 формасын берүү керек, бирок бул консулдук кызматкердин көрсөтмөсү боюнча гана, жана кепилдикти онлайн төлөм системасы Pay.gov аркылуу, АКШнын Финансылык министрлиги тарабынан башкарылат, төлөөгө макулдугун тастыктоосу керек.
Тышкы иштер министрлиги төмөнкү жагдайларга көңүл бурууну сунуштайт:
- кепилдик коюу виза алуу мүмкүнчүлүгүн кепилдебейт;
- кепилдик иммиграциялык статусунун өзгөрүшү же уруксат берилген мөөнөттөн ашып кетүү учурунда кайтарылбайт;
- бул эрежелер жаңы арыздарга гана тиешелүү, бул өзгөртүүлөр киргизилгенден кийин берилген.
Финансылык кепилдик менен виза алган жарандар, АКШга кирип-чыгуу үчүн белгилүү өткөрмө пункттары аркылуу гана өтө алышат:
- Бостондогу Логан эл аралык аэропорту (BOS);
- Нью-Йорктогу Джон Ф. Кеннеди атындагы эл аралык аэропорт (JFK);
- Вашингтондогу Даллес эл аралык аэропорту (IAD).
Бул талаптарды бузуу өлкөгө кирүүгө тыюу салууга же өлкөдөн чыгууда туура эмес документтөөгө алып келиши мүмкүн.
Кээ бир өлкөлөрдүн бул тизмеге киргизилиши, алардын жарандарында визалык режимдин бузулушунун жогорку деңгээли менен байланыштуу экендигин белгилөө керек.
Жогоруда айтылгандарды эске алып, Кыргыз Республикасынын Тышкы иштер министрлиги, АКШга сапарды пландаштырган жарандарга, жаңы визалык талаптар менен алдын ала таанышып, аларды так сактоону, кабыл алуучу тараптын визалык жана миграциялык мыйзамдарын бузбоону сунуштайт.
