2026-жылдын 1-январынан тартып, Грузияга саякаттоону пландап жаткан бардык чет элдик жарандар жаңы кирүү эрежелерине ылайык келиши керек. Атап айтканда, алар медициналык камсыздандыруу полисин, ошондой эле өлкөдө болуу мөөнөтүндө кырсыкка каршы камсыздандырууну камтыган иштөөчү полис болушу керек, деп билдирет Кыргыз Республикасынын Тышкы иштер министрлиги.
Бул чаралар Грузиянын туризм боюнча мыйзамдарына ылайык киргизилген жана туристтик, бизнес жана жеке максаттар үчүн саякаттарды камтыйт.
Камсыздандыруу полиси грузин жана чет өлкөлүк камсыздандыруу компанияларында түзүлүшү мүмкүн жана грузин же англис тилдеринде кагаз же электрондук форматта көрсөтүлүшү керек.
Камсыздандыруунун минималдуу суммасы 30 000 грузин лари (GEL) түзөт. Полис төмөнкү милдеттүү маалыматтарды камтышы керек:
- келишимдин тараптары;
- аракет кылуу аймагы;
- камсыздандыруунун объектиси;
- күчүнө кирүү жана мөөнөтүнүн аякташы;
- камсыздандыруу тобокелдиктери;
- камсыздандыруу төлөмүнүн суммасы;
- камсыздандыруу премиясынын өлчөмү;
- төлөмдүн жери жана шарттары.
Жогоруда айтылганды эске алып, министрлик Грузияга барууну пландап жаткан Кыргызстандын жарандарын жаңы кирүү талаптары менен алдын ала таанышып, ташуучулар жана чек ара кызматтары тарабынан мүмкүн болгон кошумча шарттарды эске алууга чакырат. Ошондой эле, саякат башталгандан мурун медициналык камсыздандырууну түзүү жана кагаз түрүндөгү документтерди алуу маанилүү, анткени алар чек ара көзөмөлүнөн өтүүдө талап кылыншы мүмкүн.
Мындан тышкары, министрлик миграция нормаларын сактоонун маанилүүлүгүн, анын ичинде жарактуу чет өлкөлүк паспорттун, медициналык камсыздандыруу полисинин, кайтарым билеттердин жана турак жайды брондоо боюнча ырастоонун болушун баса белгилейт.
Бул маалымат түшүндүрүү үчүн берилген жана Грузияга автоматтык кирүүнү кепилдебейт.
