«Кечээ, 1-январда, саат 21:04тө биз трассада кооптуу кырдаалды көрдүк. Биз 90–100 км/саат ылдамдыкта барат элек, бизди жогору ылдамдыкта «Hyundai Sonata» жана «Lexus» унаалары обогуп өттү. Бир мүнөттөн кийин биз жолдо уйдун тушун көрдүк, анын артында болсо - төңкөрүлгөн «Lexus» унаасы болду.
Бул окуя үй жаныбарларынын катышуусундагы жол кырсыгынын канчалык олуттуу проблема экенин дагы бир жолу көрсөтүп турат, айрыкча түнкү убакта», - деп билдиришти күбөлөр.
Расмий маалыматка ылайык, милиция 2026-жылдын 1-январында болжол менен 21:21де Тору-Айгыр айылында Бишкек шаарынын тургуну А.Б.Б., 1992-жылы туулган, «Lexus GX470» унаасын башкаруу менен Балыкчы — Ананьево — Каракол автожолунун 204-кминде, күтүүсүздөн жолго чыккан уйга урунуп, жол кырсыгын жаратып алган.
Кырсыктын натыйжасында материалдык зыян келтирилген. Бул жол кырсыгы Иссык-Куль райондук ички иштер бөлүмүнүн электрондук журналында катталган. Учурда тергөө кызматы тиешелүү текшерүү иштерин жүргүзүүдө.
Бул публикацияны Instagramда көрүңүз
Публикация Turmush (АКИpress) (@turmush.akipress) тарабынан
