Окуя Ош—Сары-Таш—Иркештам жолунда болгон.
Ош облусунун Ички иштер башкармалыгынын Жол коопсуздугун камсыздоо башкармалыгы берген маалыматка ылайык, кырсык 11-январда болгон.
«Кытайдан Ошко бараткан курулуш материалдарын ташыган унаа белгисиз себептерден улам күйүп кеткен. Тагдырга шүгүр, кырсыктан эч ким жабыркаган жок. Жүктүн жарымын сактап калууга мүмкүн болду. Окуя болгон жерге тиешелүү кызматтар келип, бардык зарыл аракеттерди жүргүзүштү. Азыркы учурда күйүү себептери аныкталып жатат», — деп билдиришти Жол коопсуздугун камсыздоо башкармалыгынын өкүлдөрү.
