Ведомствонун маалыматына ылайык, окуя 2026-жылдын 9-январында саат 16:30 чамасында болгон. Жайыл районундагы Батыш гараждарынын аймагында белгисиз адам мамлекеттик номерлери 08КG524 болгон кызыл «Volkswagen Golf-2» унаасын уурдап, окуя болгон жерден качып кеткендиги тууралуу билдирүү келип түшкөн.
Билдирүүгө жооп катары бардык наряддар ишке киргизилген. Оперативдүү-издөө иш-чараларынын жүрүшүндө Жайыл районунун ички иштер бөлүмүнүн кызматкерлери жана жол кыймылынын коопсуздугун камсыздоо бөлүмүнүн кызматкерлери ысык издер боюнча шектүүнү кармашкан — 1988-жылы туулган А. А. Б. аттуу жаранды.
Кармалган адам Жайыл РОВДсынын тергөө кызматына кошумча териштирүү жана процессуалдык чараларды колдонуу үчүн жеткирилген.
