Бул маалыматты Баткен облусунун Ички иштер башкармалыгынын басма сөз кызматы берди.
2026-жылдын 15-январында, саат 01:20 чамасында, Кызыл-Кий шаардык ички иштер бөлүмүнө Кулатова көчөсүндө, «Алтын-Ордо» ресторанынын алдында, «Volkswagen Passat» маркасындагы унаа адамды уруп кеткендиги тууралуу маалымат келип түштү. Айдоочу унаасын жеринде калтырып, окуя болгон жерден качып кеткен.
Бул окуя Кызыл-Кий ИИБнин электрондук журналында катталып, андан кийин текшерүү башталды. Оперативдик топ окуя болгон жерге чыгып, текшерүү жүргүздү.
Текшерүүнүн жүрүшүндө Ош–Раззаков унаа жолунун 83-километри боюнча, Кызыл-Кийден өтүп жаткан, чыгыштан батышка карай бараткан күмүш түстөгү «Volkswagen Passat» унаасы 74 жаштагы жергиликтүү тургунду уруп кеткендиги аныкталды. Тилекке каршы, алган жаракаттарынан жабырлануучу окуя болгон жерде көз жумду.
Кызыл-Кий ГОВДсынын кызматкерлери оперативдүү-издөө иш-чараларын жүргүзүп, натыйжада унаанын ээсин аныкташты. Шаардын ар кайсы жерлеринде орнотулган видеокөзөмөлдүн жардамы менен 1992-жылы туулган, Кадамжай районунун Үч-Коргон айылдык аймагынан болгон Ж.Б. аттуу жаран кармалды, ал тергөө кызматына өткөрүлүп берилди.
Учурда бул иш боюнча тергөө иштери уланууда.
