Кыргызстандын борбору Бишкекте, мас абалда болуп, милиционерди унаасынын капотунда алып өткөн айдоочу кармалды. Бул тууралуу Патрулдук милиция башкармалыгынан билдиришти.
Укук коргоо органдарынын маалыматы боюнча, окуя 2026-жылдын 19-январь күнү саат 18:00 чамасында болгон. Toyota Estima унаасын башкарган айдоочу унааны айдоочулук күбөлөсүз жана мас абалда башкарган.
Бишкек шаарындагы УПСМ инспекторлору токтоону талап кылганда, эркек киши баш ийбестен, капотунда бир кызматкер менен 50 метрден ашык аралыкты өткөн.
Бул окуя Бишкек шаарынын Ленин районунун УВД ЖУИ автоматташтырылган маалыматтык системасында катталган.
Кармалган адам 1986-жылы туулган Т. И. аттуу жаран болуп чыкты. Ага Кыргыз Республикасынын укук бузуулар кодексинин 126-беренеси (Кичине хулигандык) боюнча протокол түзүлүп, Ленин районунун УВДсынын убактылуу кармоо камерасына жайгаштырылды.
Сүрөт www
