Жол кырсыгында пистолет менен коркуткан эркек кармалды
Кыргызстандын борбору Бишкекте, жол талашууда курал колдонуп агрессия көрсөткөн эркек кармалды. Бул тууралуу Свердлов районунун Ички иштер башкармалыгынын өкүлдөрү маалымдашты.
14-январда болгон окуя видео түрүндө тартылып, социалдык тармактарда популярдуу болду. Видеодо эркектин, сөгүнүп, жол кыймылынын башка катышуучуларына коркутуулар жасап, пистолет менен унаанын айнегин сындырып жатканы көрүнөт. Полиция аны издөө жарыялады.
Кармалган адам 1975-жылы төрөлгөн С.Ф. болуп, убактылуу кармоо жайына жайгаштырылды. Ага Кыргыз Республикасынын Кылмыш кодексинин 280-беренеси боюнча кылмыш иши козголду.
Анын колунан газ-пневматикалык пистолет алынды.
Белгилей кетсек, Бишкекте бул күнү айдоочулар бири-бирине курал менен коркуткан экинчи окуя болуп жатат. Буга чейин ушундай эле окуя №100 автобустун акыркы токтогон жеринде болгон.
Сүрөт www
