14-январь кечинде тез жардам кызматына шаардагы жаңы курулуштардын биринин аймагында зордук-зомбулук менен өлгөн эркек кишинин табылганы тууралуу сигнал келип түштү.
Окуя болгон жерге келген Ленин РУВДнын тергөө-оперативдик тобу маркумдун ким экенин аныктады. Ал 47 жаштагы А.Р. (1976-жылы туулган) болуп чыкты.
Бул окуя КРнын Кылмыш кодексинин 122-беренеси («Киши өлтүрүү») боюнча квалификацияланды.
Милиция кызматкерлери «Коопсуз шаар» камераларынан алынган маалыматтарды колдонуп, 27 жаштагы Б.у.К. аттуу шектүүнү тез арада тапты. Ал Кочкор районунда болгон. Ал убактылуу кармоо жайына киргизилди.
Тергөөчүлөрдүн божомолдоосуна караганда, окуядан бир күн мурун эркектер алкоголь менен майрамдап, ошол учурда алардын ортосунда конфликт чыгып, мушташка айланган. Натыйжада шектүү таанышына өлүмгө алып келген жаракаттарды салган.
Учурда тергөө иштери жүргүзүлүүдө.
