Бишкекте бүгүн эртең менен Жибек-Жолу проспектиси менен Осмонкула көчөсүнүн кесилишинде окуя болду. Белгисиз эркек, ок атуучу куралды көрсөтүп, башка бир айдоочу менен жаңжалга киришкен, андан кийин окуя болгон жерден качып кеткен.
Свердлов районунун Ички иштер башкармалыгынан алынган маалыматка ылайык, бул факты боюнча Кыргыз Республикасынын Кылмыш-жаза кодексинин 280-беренеси (Хулигандык) боюнча кылмыш иши козголгон.
Оперативдүү-издөө иш-чараларынын натыйжасында шектүү катары 1975-жылы туулган С.Ф. аттуу жаран аныкталды. Учурда кылмыш иши боюнча бардык зарыл тергөө аракеттери жүргүзүлүүдө. Конфликтте колдонулган жана газ-пневматикалык болгон ок атуучу курал алынып, экспертизага жөнөтүлдү.
Шектүү Бишкек шаарынын ГУВДсынын убактылуу кармоо жайына жайгаштырылды. Тергөө уланууда.
