Чүй облусунда апасына карата зомбулук көрсөтүүдө шектелген эркек кармалды.
Чүй облусунун Ички иштер башкармалыгы берген маалыматка ылайык, 2025-жылдын 29-декабрында Жайыл районунун полиция бөлүмүнө 1985-жылы туулган Ж.А. аттуу жергиликтүү тургун кайрылган. Ал, 1981-жылы туулган агасы Ж.С.нын 2025-жылдын 28инен 29уна караган түнү алардын апасы 1950-жылы туулган Ж.М.ны өлтүрүүгө аракет кылганын билдирген.
Уктап жаткан учурда ал аялды жастык менен буушуга аракет кылган, ал каршылык көрсөткөндө, анын денесинин ар кайсы жерлерине бир нече сокку урган.
Окуя катталган соң, Кыргыз Республикасынын Кылмыш кодексинин 138-беренеси (Зомбулук) боюнча кылмыш иши козголду.
Тергөө процессинде тергөөчүлөр шектүү Ж.С.нын аялы А.Г. менен WhatsApp мессенджериндеги сүйлөшүүлөрүн изилдешти, анда ал апасын — Ж.М.ны өлтүрүү ниетин билдирген.
Кыргыз Республикасынын Кылмыш-процессуалдык кодексинин 96-беренесине ылайык, Ж.С. шектүү катары кармалып, убактылуу кармоо жайына жайгаштырылды. Сот чечими аны эки айга камакка алуу чарасын колдонду.
Кылмыш ишинин алкагында бардык зарыл экспертизалар дайындалды. Тергөө уланууда.
