Бул тууралуу бүгүн, 12-январда Баткен облусунун Ички иштер башкармалыгынын жол кыймылын камсыздоо бөлүмүнүн 2025-жылдын 12 айы боюнча ишинин жыйынтыктарын чыгаруу боюнча оперативдик жыйында маалымдалды.
Жыйында Кыргыз Республикасынын Ички иштер министрлигинин жол кыймылын камсыздоо башкы башкармалыгынын орун басары, милициянын подполковниги Айбек Жумагулов, Баткен облусунун Ички иштер башкармалыгынын начальниги, милициянын полковниги Улан Жукенов, Баткен облусунун Ички иштер башкармалыгынын ООБДД начальниги, милициянын подполковниги Талайбек Намазбеков, ошондой эле райондордун жана шаарлардын бөлүмдөрүнүн жетекчилери жана улук инспекторлор катышты.
Жыл башынан бери Баткен облусунун Ички иштер башкармалыгынын ООБДД бөлүмдөрү жалпы 50 миң 909 жол кыймылын бузуу фактыларын аныктады, мамлекеттик бюджетке 66 млн 517 миң 670 сом айып пул катары өндүрүлдү.
Аныкталган бузуу фактылары:
алкогольдук мас абалда транспорт каражатын башкаруу — 1 миң 108 айдоочу;
белгиленген ылдамдыкты ашыруу — 7 миң 798 айдоочу;
стеклелери мыйзамсыз караңгылатуу — 268 айдоочу;
транспорт каражатын тиешелүү документтерсиз башкаруу — 1 миң 824 айдоочу;
автохулигандык — 63 айдоочу;
жол белгилеринин талаптарын аткарбоо — 14 миң 063 айдоочу.
«Ар кандай жол кыймылын бузуу үчүн 6 миң 200 унаа айып туташкан жайга коюлду.
Ошондой эле иштин санариптештирилиши, кызматтык тартиптин катуу сакталуусу, мыйзамдуулукту, коомдук тартипти камсыздоо жана жол кыймылынын коопсуздугун жогорулатуу боюнча тапшырмалар берилди.
Эскерте кетсек, 2025-жылы облус аймагында жол кырсыктарынын натыйжасында 41 адам каза болду, бул 2024-жылга салыштырганда бир учурга аз», - деп айтылат маалыматта.
