Бул маалыматты облустук жол кыймылынын коопсуздугун камсыздоо башкармалыгы берди.
Ведомствонун маалыматына ылайык, жол кыймылынын инспекторлору күчөтүлгөн режимде иштеп жатышат.
«Рейддин натыйжасында бир күндүн ичинде 414 жол кыймылынын эрежелерин бузуу фактысы катталды. Анын ичинен 13 айдоочу унааны мас абалда башкарган, 38 айдоочу каршы тилкеге чыгып, эрежелерди бузган, ал эми 9 адам документтери жок рулда отурган. Натыйжада 29 унаа айып короолоруна коюлду», - деп маалымдады пресс-кызмат.
- Рейд Жалал-Абад облусунда 1-январдан башталып, 15-январга чейин уланат. Иш-чаранын негизги максаты — жолдордо коопсуздукту жогорулатуу, жол кырсыктарын алдын алуу жана айдоочулардын жол кыймылынын эрежелерин сактоосун катуу көзөмөлдөө.
