Маалыматтарга ылайык, кырсык Петровка айылында Бишкек – Кара-Балта автожолунда, таңкы саат 08:15 чамасында болгон. Алдын ала маалыматтар боюнча, Кара-Балта тарапка бараткан унаа экинчи тилкеде жүрүп, светофордо маневр жасап, каршы келе жаткан транспорт менен кагышкан. Кагылышуунун натыйжасында Бишкекке бараткан унаа жолдон чыгып, арыктан өтүп, дүкөндүн жанында токтоп турган унаага урунган.
Айдоочулардын бири 1995-жылы туулган А. А. Т. болуп, ал жабыркаган баш мээ жаракаттары (баштын арткы бөлүгүндө шишик жара) менен тез жардам менен травматология бөлүмүнө жеткирилген.
Окуя жергиликтүү дүкөндүн видеокөзөмөл камераларына түшүп калган.
Учурда жол кыймылынын коопсуздугуна жооптуу райондук башкаруу окуянын бардык жагдайларын тактоо менен алектенүүдө.
