Уюмдун маалыматына ылайык, 2026-жылдын 1-9-январь аралыгында стационардык дарыланууда жаткан балдардын саны 325ке жетти. Кышкы мезгилдеги аба ырайынын өзгөрүүлөрү балдар арасында оорулардын көбөйүшүнө шарт түзүүдө.
2026-жылдын 1-9-январь аралыгында ЦОВП стационарындагы оорулуу балдардын статистикасы төмөнкүдөй:
2026-жылдын 1-январында — 29 бейтап;
2026-жылдын 2-январында — 30 бейтап;
2026-жылдын 3-январында — 33 бейтап;
2026-жылдын 4-январында — 29 бейтап;
2026-жылдын 5-январында — 37 бейтап;
2026-жылдын 6-январында — 36 бейтап;
2026-жылдын 7-январында — 45 бейтап;
2026-жылдын 8-январында — 42 бейтап;
2026-жылдын 9-январында — 51 бейтап.
Балдар жана гинекология бөлүмдөрүндө 20 орун бар, ошондой эле кошумча 30 орун уюштурулган.
«2026-жылдын январь айынын башында жөтөл, грипп жана жогорку температура белгилери бар балдардын саны 29-30дун арасында болуп, 7-9-январь аралыгында бул көрсөткүч 45-51ге чейин өстү. Учурда 20 орундуу балдар бөлүмү толугу менен жүктөлгөн, ал эми гинекология бөлүмүнө дагы 30 орун кошулду. Медицина кызматкерлери балдарды 24 саат бою көзөмөлдөп турушат. Мындай кырдаал жыл сайын байкалат, анткени жаңы жыл майрамдарында балдар көп учурда муздак ичимдиктерди ичишет, бул оорулардын пайда болушуна алып келет. Учурда дары-дармек запасы жетиштүү», - деп билдиришти жалпы практикалык борбордо.
Дарыгерлер ошондой эле ата-энелерге суук мезгилде көңүл ачуучу иш-чараларга барууну чектөөнү, балдардын жалгыз көчөдө жана парктарда сейилдебешин көзөмөлдөөнү, жана алардын ден соолугуна дайыма кам көрүүнү сунушташууда.
