Соревнования ар кандай категорияларда өттү: жаңы баштагандар А категориясында, орто деңгээлдеги спортчулар В категориясында, ал эми профессионалдар С категориясында чыгышты.
Турнирге Кыргызстандын бардык облустарынан, ошондой эле Казакстан, Өзбекстан жана Тажикстандан болжол менен 500 спортчу катышты.
Жайыл районунан 20 спортчу, машыктыруучу Сыргака Жапаркуловдун жетекчилиги менен, соревнованияга катышты. Алардын жетишкендиктери:
- 34 кг салмакта Али Сайипжанов 3-орунду алды;
- 41 кг салмакта Аят Табалдиев 3-орунду ээледи;
- Бекзат Абилов 50 кг салмакта чемпион болуп, 1-орунду алды;
- 66 кг категориясында Бекболот Патпидинов 2-орунду, Нурэл Нурланов 3-орунду алды;
- 72 кг салмакта Эрболот Апсатаров 2-орунду ээледи.
Мындан тышкары, Кара-Балта шаарындагы «Манас» спорт комплексинен 7 спортчу, джиу-джитсу боюнча башкы машыктыруучу Алмаз Мамбетовдун жетекчилиги менен, турнирге катышты. Алардын алтоо медалдар менен кайтып келишти, Алмаз болсо өз категориясында чемпион болду.
Бердали Токтогулов 38 кг салмакта 2-орунду алды.
Нурел Омурбеков 44 кг салмакта 3-орунду ээледи, бронзалык медалдын ээси болду.
Элмирбек Садырбеков 43 кг салмакта 1-орунду алып, эки жыл бою жеңилбей келе жатат.
Дуйшоналы уулу Рамазан 50 кг ашык салмакта 3-орунду алды.
Ариет Жолдошов 66 кг салмакта U-18 категориясында чемпион болду.
Али Ахмедов 69 кг салмакта U-16 категориясында чемпиондук наамды жеңип алды.
Бардык сыйлык ээлери жана жеңүүчүлөр эл аралык страйк-грепплинг федерациясынын медалдары жана дипломдору менен сыйланды.
