28-февралда Израиль жана АКШ Иранга сокку урушту. Дональд Трамп максатты белгиледи: Ислам Республикасының ядролук программасын жок кылуу.
Бул соккуларга жооп катары Иран Израильге жана америкалык аскер базалары жайгашкан Жакынкы Чыгыштагы өлкөлөргө сокку уруп баштады. Соккулар Бахрейн, Катар, Кувейт, Абу-Даби, Дубай (БАЭ) жана Эр-Риядга (Сауд Аравиясы) багытталган.
Америкалыктар менен израилдиктердин кол салуусунун натыйжасында Ирандын жогорку лидери аятолла Али Хаменеи өлтүрүлдү, ал эми анын аялы Мансуре Ходжасте жаракат алып, кийинчерээк каза болду.
Дональд Трамп Ирандагы аскерий аракеттер төрт жумага созулушу мүмкүн экенин билдирди. Иран болсо АКШ жана Израилге каршы жихад жарыялап, сүйлөшүүлөр үчүн мүмкүнчүлүктүн жоктугун баса белгиледи.
Жакынкы Чыгыштагы конфликт дүйнөнүн бардык өлкөлөрүнө, анын ичинде Кыргызстанга да таасир этүүдө. Учурдагы окуялардын натыйжасында миңдеген туристтер БАЭде калып калды. Чет өлкөдөгү кыргызстандыктар үчүн элчиликтердин жана консулдуктардын телефон номерлери бул жерде жеткиликтүү.
