ТИМ маселени тыкыр көзөмөлдөп жатканын белгилеп, сүйлөшүүлөрдүн жыйынтыктары боюнча кошумча маалымат кийинчерээк берилерин билдирди.
Министерство ошондой эле Жакынкы Чыгышта жүргөн кыргызстандыктарды этият болууга, көп адамдар чогулган жерлерден жана мүмкүн болгон кооптуу аймактардан качууга, жергиликтүү бийликтин көрсөтмөлөрүнө баш ийүүгө, ар дайым жеке документтерин жана дипломатиялык мекемелердин байланыштарын өздөрү менен алып жүрүүгө, ошондой эле расмий билдирүүлөрдү көзөмөлдөп турууга чакырат.
28-февралда Израиль жана АКШ Иранга сокку урду. Дональд Трамп Ирандын ядролук программасын жок кылуу ниетин билдирди.
Жооп катары Иран Израильдеги жана америкалык аскердик базалар жайгашкан башка Жакынкы Чыгыш өлкөлөрүндөгү объектилерге сокку урду. Соккулар Бахрейнде, Катарда, Кувейтте, Абу-Дабиде жана Дубайда (БАЭ) жана Эр-Риядда (Сауд Аравиясы) катталды.
Америкалыктар жана израильдиктер тарабынан жүргүзүлгөн чабуулдун натыйжасында Ирандын жогорку лидери аятолла Али Хаменеи өлтүрүлдү, ал эми анын жубайы Мансуре Ходжасте алган жаракаттарынан улам каза болду.
Трамп Ирандагы аскердик операция төрт жумага созулат деп билдирди. Иран жооп катары АКШ жана Израилге каршы жихад жарыялап, сүйлөшүүлөр болбой турганын белгиледи.
Жакынкы Чыгыштагы учурдагы кырдаал Кыргызстанды да камтыйт, анткени конфликттин кесепетинен миңдеген туристтер БАЭде кыйын кырдаалда калышты. Чет өлкөдөгү кыргызстандыктар үчүн элчиликтердин жана консулдуктардын телефон номерлерин бул жерден табууга болот.
