Россиянын президенти Владимир Путин совет элдеринин геноцидине курман болгондорду эскерүү күнүн белгилөө боюнча мыйзамга кол койду, бул күн 19-апрелде белгиленет.
Мыйзамдык акт расмий укуктук актылар порталына жарыяланды.
Мыйзам долбооруна ылайык, нацисттер жана алардын жардамчылары Улуу Ата Мекендик согуш жылдарында совет элдеринин геноциди үчүн жоопкерчиликке тартылат. Мыйзам 2026-жылдын 1-январынан күчүнө кирет.
Бул датаны белгилөө боюнча сунушту Мамлекеттик Думада көтөрүштү. Авторлор 19-апрелди сунушташты, анткени 1943-жылы ушул күнү нацисттердин тынч жарандарды жок кылуу боюнча максаттуу саясатын бекиткен биринчи юридикалык акт кабыл алынган (СССР Жогорку Совети Президиумунун № 39 указу).
Мамлекеттик Думанын сайтында жайгаштырылган түшүндүрмө жазууда: "19-апрель дүйнөгө геноциддин кайталанышына жол бербөө зарылдыгын эскертет" деп айтылат.
19-апрелди эскерүү күнү катары белгилөө боюнча мыйзам долбоору 16-декабрда жактырылды. Мамлекеттик Думанын төрагасы Вячеслав Володин ата-бабаларыбыздын нацизмден дүйнөнү сактап калуудагы эрдиктерин эскерүү - маанилүү милдет экенин белгиледи.
Булак: РБК
