Операциялардын жүрүшүндө, аталган топ тарабынан колдонулган ракета системалары, ракета чыгаруу жайлары жана аскердик объектилер соккуга алынган.
ЦАХАЛдын өкүлдөрү «Хезболланын» өз базаларын калыбына келтирүү аракеттери Израил менен Ливан ортосундагы келишимдерди бузуп, Израилдин коопсуздугуна коркунуч туудурарын белгилешти.
Эскертсек, 2024-жылдын ноябрында Израил менен «Хезболла» ортосунда тынчтык келишими түзүлгөн, анын негизинде топ Израилге чабуул жасоого мүмкүн болгон объектилерди калыбына келтирбөөгө милдеттенген. Мындан тышкары, 2025-жылдын аягына чейин «Хезболла» өз курал-жарактарын ливан бийликтерине өткөрүп берүүгө тийиш болчу, ал болбогондо Израил Ливан аймагында ага каршы аскердик аракеттерди кайра баштоо менен коркуткан.
