Ага мурдагы коргоо министри жана башка катышуучулар менен биргеликте Конституцияны бузууга багытталган мятежди уюштуруу боюнча сүйлөшүү жүргүзгөн деп айып коюлууда.
Мындан тышкары, прокуратура экс-президентти Улуттук жыйындынын ишин бөгөттөө үчүн аскерлерди жана полицияны колдонуу, ошондой эле парламенттин спикерин да камакка алуу жана кармоо боюнча айыптоодо. Айыптоочулардын версиясы боюнча, мындай аракеттер менен Юн Сок Ёль депутаттардын аскердик абал киргизүү тууралуу жарлыктын күчүн жоюу боюнча добуш берүүсүн алдын алууга аракет кылган.
2024-жылдын 3-декабрында кечинде Юн Сок Ёль "чукул аскердик абал" киргизилгенин жарыялап, бул Корея Республикасын "түндүк кореялык коммунисттик күчтөрдүн" коркунучунан коргоо үчүн зарыл экендиги менен түшүндүргөн. 150 мүнөттөн кийин парламент аскердик абалды дароо жоюу боюнча добуш берди.
14-декабрда депутаттар Юн Сок Ёльге каршы импичмент процедурасын колдошту, бул анын расмий түрдө бийликтен четтетилишине, камалышына жана кийинки соттук териштирүүгө алып келди.
