Украиналык аскерлер Константиновка аймагында, Донецк облусу. Reuters сүрөтү.
- Украинанын президенти Владимир Зеленский Жогорку Радага аскердик абалдын узартылышы жана жалпы мобилизация боюнча мыйзам долбоорлорун жөнөттү. Учурдагы аскердик абал 3-февралда аяктай турган болсо, жаңы демилгелер анын үч айга, май айына чейин узартылышын сунуштоодо.
- Норвегия Украинага энергетикалык инфраструктураны жана мамлекеттик бюджетти колдоо үчүн 340 миллион евро өлчөмүндө өзгөчө жардам бөлгөнүн жарыялады.
- Киев шаардык аскердик администрациясынын башчысы Тимур Ткаченко орус аскерлеринин Киевге каршы баллистикалык ракеталарды колдонуп түнкү чабуул жасаганын билдирди.
- Дүйшөмбү күнү кечинде Одесса жана Днепропетровск облусунун Павлоград шаарында жергиликтүү бийлик жана украиналык маалымат каражаттарынын маалыматына ылайык, жарылуулар болду.
- 2025-жылдын ноябрь айынын аягына карата Европалык Союз өлкөлөрүндө убактылуу коргоо алган украиналык качкындардын саны 4,33 миллионго жетти. Ноябрь айында качкындардын саны 30 миң адамга көбөйдү.
- Владимир Зеленский ошондой эле украиналык сүйлөшүү тобу Америка Кошмо Штаттары менен коопсуздук боюнча документти даярдоону аяктаганын, ал президенттердин деңгээлинде сунушталарын билдирди.
- Орус аскерлери 9-январга караган түнү "Орешник" гипер үндүү ракетасы менен сокку уруунун натыйжасында Львов мамлекеттик авиация-ремонт заводу бузулганын билдиришти.
- Киевде электр энергиясын чукул өчүрүү чаралары киргизилди.
- Белгороддо электр энергиясынын жетишсиздигинен улам соода борборлорунун жана жеке ишканалардын иши чектелди.
