2025-жылга карата Азия өлкөлөрүнөн Евразия аймагына болгон инвестициялардын жалпы көлөмү $119,8 миллиардга жетет. 2024-жылдан 2025-жылдын ортосуна чейин $20 миллиард кошумча каражат тартылган.
«Өсүү темптери глобалдык инвестициялык активдүүлүктүн төмөндөшүнө карабастан, аймакка болгон жогорку кызыгуунун улантылып жатканын көрсөтөт. Ошол эле учурда, өсүү асимметриялык мүнөзгө ээ, айрым өлкөлөргө басым жасалууда», — деп белгилешет изилдөөнүн авторлору.
Евразия аймагынын Азиядагы эң маанилүү өнөктөштөрү Кытай (55%), Залив өлкөлөрү (20%) жана Түркия (15,5%) болуп калууда. Бул үч аймак түз чет элдик инвестициялардын жалпы көлөмүнүн 90% дан ашыгын түзөт.
Маалымат:
Отчетто төмөнкү Азия өлкөлөрү каралат: Афганистан, Вьетнам, Индия, Иран, Индонезия, Кытай, Түркия жана Залив мамлекеттери — Бахрейн, Катар, Кувейт, БАЭ, Оман, Сауд Аравиясы.
Евразия аймагы 13 өлкөнү камтыйт: Азербайжан, Армения, Беларусь, Грузия, Казакстан, Кыргызстан, Молдова, Монголия, Россия, Тажикстан, Түркмөнстан, Өзбекстан жана Украина.
