Кабинет башчысы муниципалдык ишканаларды техникалык жаңылоо боюнча аракеттерди улантууга ниетин билдирди. Ал шаардык кызматкерлерди жаңы техниканы жоопкерчиликтүү пайдаланууга жана калкка көрсөтүлгөн кызматтын сапатын жогорулатууга чакырды.
"Ар бир техника жана транспорт каражаты – бул шаар тургундарынын кызыкчылыгына кызмат кылган маанилүү ресурс. Туура пайдалануу жана калктын ишенимин сактоо – бул сиздердин ар бириңиздин милдетиңиз", - деди ал, жаңы автобустар жана атайын техника шаарды өнүктүрүүгө, муниципалдык кызматтардын мүмкүнчүлүктөрүн кеңейтүүгө жана алардын ишин жеңилдетүүгө жардам берет деп кошумчалады.
Маалыматка ылайык, 12 метрлик Youtong маркасындагы автобустар Европалык реконструкция жана өнүктүрүү банкынын демилгеси боюнча сатып алынган. Алардан тышкары, 42 атайын техниканын арасында авариялык бригадалык унаалар, самосвалдар, гидрокрандар жана JAC T-6 унаалары, ошондой эле бюджет эсебинен сатып алынган траншейдик виброкаткилер бар.
