Алдын ала маалыматтар боюнча, ЕАЭС чегинде ички жалпы продукттун (ИЖП) өсүшү 1,7 пайызды түзөт деп күтүлүүдө.
2025-жылы экономикалык өсүшкө өбөлгө түзгөн негизги факторлор кызмат көрсөтүү сектору, бөлшек соода, курулуш, кен казуу жана кайра иштетүү өнөр жайы болду. Ошондой эле айыл чарбасында оң динамика байкалган.
ЕЭКтин баамдоолоруна ылайык, 2025-жылы евразиялык экономикалык союз мамлекеттери арасында товарлардын өз ара соода көлөмү 95 миллиард долларга жетет.
2025-жылдын январь айынан ноябрь айына чейин союздун жалпы рыногуна азык-түлүк товарлары, текстиль жана бут кийим боюнча жеткирүүлөр 20 пайызга, жыгач жана целлюлоза-картон буюмдары 14 пайызга, химиялык өнөр жай продукциясы 2,3 пайызга өскөнү тууралуу Данияр Иманалиев билдирди.
Мындан тышкары, ал белгилегендей, көрсөтүлгөн мезгилде ЕАЭСтин жалпы тышкы соода жүгүртүүсүндө өз ара сооданын үлүшү 20 пайызды түзгөн.
ЕАЭС өлкөлөрүндөгү инфляция, алдын ала маалыматтар боюнча, өткөн жылы 6,5 пайызга жайлады.
