Визит учурунда министр заводдун биолабораториясында ири мүйүздүү малдын (ИММ) генетикалык мүнөздөмөлөрүн жакшыртууга жана жасалма уруктандыруу ыкмаларынын натыйжалуулугун жогорулатууга багытталган иштер жүрүп жаткандыгы тууралуу маалымат алды. Мындан тышкары, аймактардагы техникалык уруктандыруучулар үчүн суюк азоттун жеткирилиши камсыздалууда.
«Санынан сапатына өтүү керек. Бул бизге генетикалык жактан таза тукумдуу жаныбарлардан уруктук материал алууга мүмкүнчүлүк берет. Бул багыт биздин приоритеттерибиздин бири», - деди министр.
