Министрликтин маалыматына ылайык, жалпы түшүмдүн ичинен күзгү буудай 63 миллион тоннага, ал эми жазгы буудай 26,5 миллион тоннага жетет деп күтүлүүдө. Америка Кошмо Штаттарынын айыл чарба министрлигинин методологиясына ылайык, продукциянын экспорту маркетингдик жылдын алкагында эсептелет, календардык жылдын эмес. Бул мезгил жыйналган түшүмдүн сатылышы жүрүп жаткан убакытты билдирет.
12 айга созулган маркетингдик жыл ар бир айыл чарба продукциясын экспорттоочу өлкө үчүн өзүнчө эсептелет. Орус буудайы үчүн бул мезгил быйылкы жылдын июль айынан кийинки жылдын июнь айына чейин созулат. Ошентип, 2025/26 сезону орус буудайынын жеткирүүлөрү 2025-жылдын 1-июлунда башталып, 2026-жылдын 30-июнунда аяктайт.
2025-жылы Россия Кыргызстанга буудай экспорттоочу өлкөлөр арасында экинчи орунду ээлеп, жалпы импорттун үчтөн бирин камсыз кылды.
