12-мартта Ташкентте, Кыргыз Республикасынын Өзбекстандагы Соода өкүлчүлүгүнүн аракеттеринин натыйжасында 500 миң долларлык экспорттук жеткирүүлөр боюнча контрактка кол коюлду. Бул контракт кыргыз фирмасы ОсОО «Алайку Органикс» менен узбек ишканасы ОсОО «Alaiku» ортосундагы кызматташтыктын натыйжасы болуп саналат.
Кыргыз Республикасынын Экономика министрлиги мындай контракттар эки өлкөнүн соода-экономикалык мамилелерин тереңдетүүдө маанилүү роль ойнорун белгилейт.
Соода өкүлчүлүгү компаниянын товарларын узбек рыногунда илгерилетүү боюнча чоң иштерди аткарган, анын ичинде Өзбекстанда юридикалык жакты каттоого жардам берүү, жергиликтүү рынокту талдоо жана склад жайларын издөө, ошондой эле мамлекеттик органдар менен өз ара аракеттенүү боюнча консультацияларды берүү.
Мындан тышкары, кыргыз продукциясын жеткирүү мүмкүнчүлүгүн талкуулоо үчүн Өзбекстандын ири супермаркеттеринин өкүлдөрү менен жолугушуулар уюштурулган.
ОсОО «Алайку Органикс» табигый сүт азыктарын жана традициялык кыргыз ичимдиктерин өндүрүүгө адистешкенин белгилеп өтүү керек.
