Курулган объекттердин арасында мектептер, бала бакчалар, медициналык мекемелер, спорт комплекстери, маданий борборлор, аэропорттор жана Ысык-Көлдүн жээгинде жайгашкан пансионаттар бар.
Шамшиевдин пикири боюнча, курулуш секторунун активдүү өнүгүшү экономиканын чыңдалышы жана салык түшүүлөрүнүн өсүшү менен байланыштуу. 2025-жылы өлкөнүн консолидацияланган бюджети болжол менен 1,2 трлн сомду түзөт, бул 2021-жылдагы 209 млрд сомдон кыйла жогору.
«Салык түшүүлөрүнүн өсүү темпи таң калтыргандай: 2021-жылы 151 млрд сом чогултулса, 2025-жылдын 11 айынын жыйынтыгы боюнча бул сумма 358 млрд сомго жетип, 2,5 эсе көбөйдү», — деп билдирди экономист.
Ал ошондой эле жаңы салык реформалары ишкерлер үчүн отчеттуулукту кыйла жеңилдеткенин кошумчалады. Айрыкча, жеңил өнөр жай жана зергерчилик тармагы 2030-жылга чейин көпчүлүк салык милдеттенмелеринен бошотулган.
