Депутат, кээде карыз алгандар кичине бөлүгүн убагында төлөй албай калышарын баса белгиледи. Натыйжада, алар кара тизмеге кирип, жаңы кредиттерди алуу мүмкүнчүлүгү жоюлат. "Кара тизме үчүн чектөө 100 миң сомго чейин көтөрүлбөйбү?" — деди ал кесиптештерине.
Улуттук банктын орун басары Бектур Алиев кара тизме 90 күндөн ашык карызды кечиктиргендер кирээрин тактады.Маматалиев ошондой эле көптөгөн жарандардын финансылык кыйынчылыктарга дуушар болуп, колдоого муктаж экенин белгиледи. Улуттук банктын орун басары депутатка өз сунушун экинчи окууда каралышы үчүн формулировка даярдоону сунуштады.
