Суроолорун берүү үчүн каалаган фермерлер коомдук кабыл алуу аркылуу алдын ала катталды. Жолугушуу министр тарабынан жарандарды кабыл алуу үчүн белгиленген графикке ылайык өткөрүлдү.
Иш-чарада министрдин орун басарлары, өлкөнүн ар кайсы бурчтарынан келген фермерлер жана Мамлекеттик салык кызматынын өкүлдөрү катышты. Сүйлөшүү учурунда фермерлер салык салуу темаларын көтөрүп, салык эсептөөлөрүндө туш болгон кыйынчылыктарын белгилешти.
Атап айтканда, фермерлер салык эсептөөлөрүн кайра карап чыгуу жана учурдагы мыйзам чегинде аларды түзөтүү мүмкүнчүлүгүн суранышты. Бул боюнча Торобаев ГНС кызматкерлерине көтөрүлгөн маселелерди изилдеп, мыйзамдык чөйрөдө чечүү варианттарын сунуштоону тапшырды.
